حاولت أنساك
كتبهامصطفي مرجان ، في 17 نوفمبر 2008 الساعة: 17:55 م
حاولت أنساك
؛؛؛؛؛
حاولت انساك لقيت نفسى باموت فى هواك
فى كل دقيقة بافتكرك ولحظاتى باعيشها معاك
ولما الصدفة تجمعنا أحس إنى ملكت الكون وانا وياك
ولو شفتك بتتألم وانا مسلم لسانى يقول حياتى فداك
ماهو انته دنيتى وعمرى وقايل إن انا دنياك
وألاقينى باقول إمتى أفرح دنيتى بلقياك
تقول انسى وأقول أنسى ألاقى مستحيل أنساك
يروح العمر ويعدى وانا عايش على ذكراك
بعدت بعيد لكن صابر حبيبى لأن انا باهواك
ومهما يبعدوك عنى ياروح قلبى راح أستناك
ده لو غيرى خدك منى وانا فى الغربة مش وياك
حبيب قلبى أروح فيها ده انا باتمنى بس رضاك
ياأجمل حب صادفته
وكلمنى وعايشته
ياروح القلب ياروحى
بدل ماأنسى ياريت ألقاك
***
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
نوفمبر 26th, 2008 at 26 نوفمبر 2008 11:52 ص
الله … الله … جميل ما كتبت …سيدى الكبير …
اعانك الله وحفظك من كل سوء آمين
مشمش
نوفمبر 27th, 2008 at 27 نوفمبر 2008 11:31 ص
حبيبي الغالى أبوخوخه
الله على الحب والرومانسيه في كلامك
جرعة قويه
شكرا لك
مدونتك جميلة
إلى الأمام
ديسمبر 2nd, 2008 at 2 ديسمبر 2008 4:44 ص
الأستاذ عرفة أخى وحبيبى ورفيق غربتى
شكراً لتواجدك شاعر الشباب
فتواجدك دائماً شرف لى
دمت بكل ود
ديسمبر 2nd, 2008 at 2 ديسمبر 2008 5:04 ص
الأستاذ شمش بودى الرائع
شاكر زيارتك مدونتى
شرفت وآنست والحاجة الساقعة ياعوكشة
ديسمبر 4th, 2008 at 4 ديسمبر 2008 6:36 م
قلمك جميل دايما يا والدي
تسلم ايد حضرتك
بنتك طبيبة مسلمة